Челзи троши 90 милиони за тандем од Рома!

Како што пренесуваат англиските медиуми, фудбалскиот клуб Челзи е заинтересиран за двајца играчи на Рома.

Станува збор за играчот за врска Раџа Наинголан и дефанзивецот Антонио Рудигер со кои Конте сака да го засили својот тим за наредната сезона.

Наинголан е стара желба на Конте и се обидуваше да го донесе уште минатото лето, а медиумите тврдат дека ќе направи се за да го донесе на „Стенфорд Бриџ“. Италијанецот сака да ја засили конкуренцијата во средниот ред, особено поради фактот што следната сезона ќе игра во Лига на шампиони.

Рудигер е исто така голема желба на Конте бидејќи се вклопува во неговата филозофија и може подеднакво добро да игра и како бек и како стопер.

Медиумите пренесуваат дека „сините“ се спремни за тандемот на Рома да платат 90 милиони евра и се верува дека оваа сума ќе биде доволна за се убеди „волчицата“.