Челзи се вклучи во трката за Миленковиќ

Дефанзивецот на Фиорентина и српски репрезентативец, Никола Миленковиќ игра уште една одлична сезона и е на мета на многу европски гиганти.

Италијанските медиуми пренесуваат дека Челзи сака да ја победи конкуренцијата и веќе стапил во контакт со Фиорентина.

Интерес за Србинот од поодамна покажуваат Милан и Манчестер Јунајтед, но сега „сините“ сериозно се вклучиле во трката за неговиот потпис.

Миленковиќ на лето ќе влезе во последната година од договорот, па Фиорентина ќе мора да го продаде, а за неговата слобода бара 30 милиони евра.

Приоритет на Томас Тухел во летниот преоден рок ќе биде засилување на одбраната, а Миленковиќ е на врвот на листата желби.