Челзи не се шегува: Бакајоко пристигна, Ван Дијк е следниот!

Како што пренесуваат англиските медиуми шампионот Челзи го договорил првото засилување и најдоцна до утре ќе го комплетира трансферот на Бакајоко од Монако.

Францускиот репрезентативец Тимуе Бакајоко беше трансфер цел на Конте и во јануарскиот преоден рок, но тогаш Монако не сакаше да влезе во преговори.

Двата тима денеска постигнале договор и Бакајоко ќе се пресели на „Стенфорд Бриџ“ за сума од 40 милиони евра. „Тајмс“ открива дека веќе го избрал дресот со број 14.

Меѓутоа, тоа не е се, медиумите тврдат дека Челзи испратил понуда од 68 милиони евра за дефанзивецот на Саутемптон, Вирџил ван Дијк и чека одговор најдоцна до утре.

Англиските медиуми се оптимисти дека Саутемптон ќе ја прифати понудата бидејќи самиот фудбалери инсистира да се пресели на „Стенфорд Бриџ“.