Црна Гора во црно: Фудбалер почина во стравична сообраќајна несреќа (Фото)

Во стравична сообраќајна незгода во Грбаљ во Црна Гора, животот го загуби Дамир Кошута, 22-годишен фудбалер на тамошниот прволигаш Петровац.

Кошута бил совозач во Рено Клио кое од непознати причини околу 16:20 часот удрило во комбе со француски туристи кој се движел во спротивен правец. Во автомобилот биле уште двајца фудбалери на клубот, Матија Божановиќ и Јапонецот, Шо Јамамото.

Кошута животот го загубил на лице место, Божановиќ поминал со скршеница на ногата, а за Јамамото нема се уште никакви информации. Повредени се вкупно осуммина, но се уште нема информација за потешко повредени.