Хесе се сели во Премиер лигата!?

Хесе Родригез до крајот на преодниот рок сигурно ќе го напушти ПСЖ, а последните информации говорат дека ќе се пресели во Премиер лигата.

Хесе минатото лето дојде во ПСЖ како големо засилување од Реал Мадрид, но не ги оправда очекувањата, па полсе 6 месеци ќе го напушти Париз во потрага за поголема минутажа.

Англиските медиуми шпекулираат дека неговиот нов клуб би можел да биде Мидлсбороу и наводно недостасуваат само детали за реализација на трансферот. Се шпекулира дека 23-годишниот Шпанец ќе настапува во Мидлсбороу до крајот на оваа сезона како позајмен фудбалер, а потоа англискиот клуб ќе има опција за целосно да го откупи неговиот договор.

Хесе за ПСЖ настапи на вкупно 14 натпревари оваа сезона и постигна два погодоци што е исклучително лош учинок со оглед на тоа што ПСЖ минатото лето на „кралевите“ им исплати 25 милиони евра за неговите услуги.