ФФМ објасни зошто Вардар нема да биде прогласен за шампион по прекинот на првенството

Денес фудбалската федерација на Македонија по предлог на Комисијата за заразни болести донесе одлука фудбалското првенство во Македонија да се прекине.

Првобитно ФФМ донесе одлука сезона да се доигра со плеј-оф и плеј-аут меѓутоа сега е објавен крај на сезоната, што поради зголемиот број на заразени, што поради ситуацијата со Ренова која мораше да оди во 14. дневен карантин.

Од ФФМ нагласија дека шампион сезонава нема да има затоа што немало доволен број на натпревари за Вардар кој е лидер да ја добие титулата.

„Нема да се прогласи шампион, процесот на лиценцирање е сеуште во тек, а потоа ќе се одредат екипите кои ќе играат во Европски купови“, соопштија од ФФМ.