„Франс Фудбал“ ги менува правилата за „Златна топка“ за следната година

Се уште не стивнуваат реакциите после вчерашното доделување на „Златната топка“ од „Франс Фудбал“.

Оваа година престижната награда му беше доделена на Меси, а според многумина Аргентинецот не ја заслужил „Златната топка“.

„Франс Фудбал“ следната година планира да го продолжи гласањето до декември поради Светското првенство во Катар, кое започнува на 21 ноември и трае до 18 декември.

Светското првенство е најважниот настан во сезоната и врз основа на него ќе биде донесена одлука за најдобриот фудбалер за 2022 година.

Меси вчера ја освои „Златната топка“ по рекорден седми пат и му побегна на Кристиано Роналдо, кој остана со пет такви награди.