Фернандињо донесе изненадувачка одлука

Бразилскиот фудбалер на Манчестер Сити, Фернандињо на пресконференцијата пред мечот со Атлетико Мадрид соопшти изненадувачка одлука.

Имено, Фернандињо соопшти дека донел одлука дефинитивно да го напушти Манчестер Сити на крајот на сезоната.

„Сакам да играм. Ќе се вратам во Бразил сигурно. Одлуката ја донесов со своето семејство, тоа е најважно за мене“, изјави Бразилецот.

Од оваа изјава остана изненаден и тренерот на Сити, Пеп Гвардиола.

„Ох, не знаев. Сега прв пат слушам за тоа, не слушнав. Не знам што ќе биде, тој ни е многу важен. Ќе зборувам со него да видам дали неговата одлука е конечна“, изјави Гвардиола