Фергусон за мозочниот удар: Се плашев дали ќе можам да зборувам

Сер Алекс Фергусон е еден од најголемите тренери на сите времиња, а пред три години претрпе мозочен удар.

Сега популарниоте Ферги призна дека во тие моменти стравувал за неговиот живот.

„Се сеќавам дека паднав и после тоа не знам што се случувало. Најлошо беше кога го изгубив гласот. Не можев да изговорам ниту збор, беше навистина страшно…Само размислував дали повторно ќе прозборам и дали сеќавањето ќе ми се врати во целост“, изјави 79 годишниот Фергусон.

Докторот кој го лекувал му давал само 20% шанси дека ќе преживее.

„Кога ги проценував шансите му давав само 20% дека ќе го преживее тој мозочен удар“, порача докторот.

Тренерската кариера Фергусон ја заврши во 2013 година. Во текот на 26 години на клупата на Манчестер Јунајтед освои 38 трофеи.