УФЦ го раскина договорот бразилската легенда: Престар е за борење, време му е за пензија

УФЦ го раскина договорот со еден од најголемите во овој спорт, Андерсон Силва.

Бразилската легенда според договорот имаше уште една борба, меѓутоа неговиот договор е раскинат и таа борба нема да ја одработи. Првиот човек на УФЦ Дајна Вајт потенцираше дека договорот е раскинат за доброто на Силва.

„Силва неодмна се бореше против Хол и по борбата мораше да седне, едвај зборуваше. Што ќе се случеше ако се бореше со некој од по жестоките борци? Сигурно немаше да помине добро. Возрасен човек е и не можам јас да му кажувам што да прави. Она што можам е да не му дозволам да ја одработи последната борба од договорот. Легенда е мислам дека му е време за пензија, веќе е престар да се бори, се грижам за неговото здравје“, порача Вајт.

Ќе потсетиме, Силва шампионскиот појас во УФЦ го освои во 2006 година и го држеше седум години.