Успешен старт на Федерер во Шангај

Рожер Федерер успешно го започна учеството на Мастерсот во Шангај откако после два часа игра го победи Данил Медведев со 2:1 во сетови.

Медведев се наоѓаше во одлична форма пред овој меч, откако минатата недела ја освои титулата на силниот турнир во Токио.

Федерер одлично го започна мечот, но Русинот одигра добро во вториот сет и израмни на 1:1. Во решавачкиот сет кога беше најпотребно при 4:4 Швајцарецот направи брејк и го зеде сетот.

Следен противник на Федерер е Баутиста Агута. На останатите терени доминација на фаворитите па победи остварија Кенет Андерсон, Кеј Нишикори, Дел Потро, Квери и Александар Зверев.