Управата на Барса објасни зошто не го доведе Кутињо – Дали ова ќе ги смири навивачите?

Управата на Барселона одлучи да одржи итна пресконференција за да им објасни на навивачите зошто Каталонците не доведоа ниту еден играч во последниот ден од трансфер периодот.

Иако се поврзуваа со Кутињо и Анхел Ди Марија, двата играчи останаа во своите клубови.

Директорот на Барселона, Алберт Солер го изјави следново:

„По неколку недели понуди и разговори, Ливерпул во последниот ден побара 200 милиони евра. Одлучивме дека не сакаме да го загрозиме клупското наследство и финансиите. Не дозволуваме да играат со нас на пазарот“, изјави Солер.

Потсетуваме, Барса испрати вкупно четири понуди на адресата на Ливерпул, последната изнесуваше 150 милиони евра вклучувајќи ги и бонусите, но „Црвените“ не попуштија од првичниот план да го задржат Бразилецот.