УЕФА отвори истрага за скандалот во Ајндховен

УЕФА денеска отвори истрага за големиот инцидент што се случи во Ајндховен, откако навивач на ПСВ истрча на теренот и го удри голманот на Севиља, Марко Дмитровиќ.

Инцидентот се случи во второто полувреме кога еден хулиган му побегна на обезбедување, втрча на теренот и од зад грб го нападна српскиот голман. Дмитровиќ успеа да го совлада и да го собори, а потоа пристигнаа играчите на двете екипи, но и обезбедувањето.

УЕФА веќе отвори истрага против ПСВ, а се споменува и можно исфрлање од европските натпреварувања во период од најмалку една година. 

Хулиганот и воопшто не смеел да биде на стадионот „Филипс арена“ во Ајндховен, затоа што има забрана токму поради слични инциденти во минатото.