УЕФА одложи натпревар од Лига Европа поради коронавирус

Натпреварот помеѓу Виљареал и Карабах во рамките од 6. коло во Лигата на Европа кој требаше да се игра во четврток е одложен поради појава на коронавирус кај гостите.

УЕФА потврди дека мечот е одложен на неодредено време поради бројни регистрирани случаи на Ковид-19 во таборот на Карабах.

Во овој момент не е познато кога овој натпревар ќе се одигра, а медиумите пишуваат и дека постои опција Виљареал да го добие службено. Треба да се спомене и дека дуелот не решава ништо за пласманот во следната фаза. Шпанскиот тим има 13 бода и загарантирано прво место, а Карабах е последен со еден освоен бод.