УЕФА му пресуди на Партизан – ќе игра пред празни трибини!

Фудбалерите на Партизан пред празни трибини ќе го дочекаат тимот на Викторија Плзен во Лига Европа, пренесуваат српските медиуми.

Таква одлука денес донесе Дисциплинската комисија на УЕФА поради пропусти во организацијата на мечот протов Јанг Бојс, пренесува „sportskacentrala.com“.

Истиот извор пренесува дека Партизан ќе биде казнет со повеќе натпревари играње пред празни трибини бидејќи на натпреварот против Јанг Бојс имаше неколку пропусти. Имено, имаше влегување на терен, огномет, пиротехника, расистичко однесување.

Дисциплинската комисија ќе ја разгледува постапката и против Црвена Звезда поради тоа што навивачите му дадоа поддршка на Ратко Младиќ на мечот против БАТЕ Борисов.