Тројца фудбалери на Лил позитивни на Ковид 19

Лил ги започна подготовките за новата сезона во Франција, а на тестирањата се покажа дека тројца фудбалери се позитивни на Ковид 19.

Ренато Санчез, Џонатан Иконе и Џонатан Бамба се позитивни на коронавирусот, потврдија од клубот.

Санчез веројатно се заразил во Португалија, по 8 слободни дена. Тој се уште е во татковината и не може да патува затоа што треба да помине два негативни теста.

Што се однесува до останатите двајца, тие ќе бидат во изолација исто така додека не направат два негативни теста.

Франција е единствената земја од петте најсилни европски фудбалски лиги чие првенство е прекинато поради пеандемијата на коронавирусот и воопшто не продолжи.