Трансферот на Елмас ќе се официјализира оваа недела!

Вечерва репрезентацијата на Македонија ќе се сретне со Австрија во рамките од квалификациите за Европското првенство во 2020 година, а после овој натпревар фудбалерот кој многу ветува нашиот Елиф Елмас би требало да го комплетира најголемиот трансфер во кариерата.

Во текот на оваа недела претставници на шпанскиот Алтетико Мадрид ќе допатуваат во Инстанбул и ќе одржат состанок со Фенебахче со кој ќе треба да ги договорат последните детали за трансферот на Елмас.

Едни од најголемите турски медиуми „Фанатик“ и „Хуријет“ пишуваат дека трансферот на Елмас ќе биде потврден и официјализиран во текот на оваа недела.

Според информациите Атлетико Мадрид и Фенебахче се договориле за сума од 14 милиони фунти. Освен информациите за Елмас „Фанатик“ пишува дека на истата средба може да биде договорен и трансферот на Никола Калиниќ кој би тргнал во спротивна насока.