Торес и Рамос се простија од Радомир Антиќ: Шампион и легенда! Го направивте Атлетико поголем клуб!

Радомир Антиќ, поранешниот тренер на Реал Мадрид, Атлетико и Барселона, почина во Мадрид на 71 година.

Антиќ во кариерата е единствениот тренер кој ги водел трите шпанси гиганти (Атлетико, Барса и Реал). Најголема трага остави во Атлетико со кој во 1996 година го освои првенството и купот на кралот.

Помеѓу првите кои се простија од славниот тренер беше и капитенот на Реал Мадрид, Серхио Рамос.

„Го направивте Атлетико поголем клуб, го направивте нашето ривалство вечно. Последно збогум за единствниот тренер кој ги водеше Атлетико, Барса и Реал“, напиша капитенот на „кралевите“.

Од Антиќ се прости и Фернандо Торес.

„Не напушти Радомир Антиќ, човекот кој испишуваше историја. Шампионот и легенда, вечно ќе биде во нашите срце. Мое сочувство до семејството“.