Томори: Кога ми се јави најдобриот дефанзивец на сите времиња знаев дека ќе дојдам во Милан

Пред неколку дена Фикајо Томори се пресели во Милан на позајмица од Челзи, со опција неговиот договор да биде откупен на крајот од сезоната.

Томори сега зборуваше за тоа како одлучил да се пресели во Милан.

„Го избрав Милан затоа што станува збор за клуб со голема историја и одлични фудбалер. Ова беше можност која не смеев да ја одбијам. Навистина ми претставува чест што сум туа. Кога го добив повикот во прв момент бев збунет. Разговарав со Паоло Малдини – најдобриот дефанзивец кој некогаш играл фудбал! Кога тој ме праша дали сакам да дојдам во Милан, знаев дека нема да ја одбијам понудата“, изјави Томори.