Теодор Симиќ од Барселона во Игокеа, па на позајмица во Борац Бања Лука

Репрезентативецот на Македонија, Теодор Симиќ го напушти младинскиот тим на Барселона и ќе продолжи во сениорската кошарка откако ја прифати понудата од Игокеа каде што тренер е поранешниот селектор на Македонија, Драган Бајиќ.

Симиќ со 18 години на центарската позиција важи за голем кошаркарски потенцијал на Македонија. Три години помина во младинскиот погон на Барселона, а сега дојде време за промена.

Во Игокеа го доведе Драган Бајиќ кој му даде шанса и во сениорската репрезентација на Македонија. Сезоната која следи Симиќ ќе ја помине на позајмица во тимот на Борац од Бања Лука кој се натпреварува во АБА 2 лигата.