Тврдоглавиот Мурињо успеа, ѕвездата на Тотенхем доби дозвола да го напушти клубот

И покрај тоа што претходно направи за клубот, Тотенхем одлучи да дозволи трансфер на Деле Али во јануарскиот преоден рок.

Англискиот репрезентативец оваа сезона не е задоволен бидејќи Мурињо скоро никако не го користи и сега е одлучен да го напушти клубот.

Играчот кој пет години е во Тотенхем во јануари има дозвола да си пронајде нов клуб и да ги напушти редовите на Спарси.

Деле Али неодамна си замина од клупата во соблекувалната откако Мурињо ги направи сите пет измени во дуелот против Антверп во ЛЕ.

За сега не е познато каде ќе ја продолжи кариерата. Не е исклучена позајмица, а неговиот актуелен клуб секако ќе бара одредена парична надокнада.