Супер натпревар во Серија А: Заза режираше голем пресврт на Торино!

Toрино денес на свој терен после пресврт го победи Сасуоло со 3:2 во заостанатиот натпревар од 24. коло во Серија А.

Сасуоло одлично играше во првото полувреме и изгледаше дека со три бода ќе го напушти Торино, но тоа не беше случај. Гостите поведоа во шестата минута кога Капуто го пронајде Берарди кој погоди за 1:0. Половина час подоцна Берарди зголеми на 2:0.

До крајот Торино успеа да дојде до фантастичен пресврт и тоа во финишот од натпреварот. Клучно беше влегувањето на Симоне Заза во игра во 72. минута. Само пет минути подоцна Заза намали на 2:1, за во 87. минута Мандрагора да изедначи на 2:2.

Кога изгледаше дека двете екипи ќе ги поделат бодови, Ансалди му асистираше на Заза, а тој го постигна неговиот втор гол за конечни 3:2 и три бода на Торино.