Стигна потврда: Ѓоковиќ може да игра во Рим

Новак Ѓоковиќ пред неколку дена потврди дека нема да се вакцинира дури и по цена да му биде забрането да игра и да се бори за трофеи.

Ѓоковиќ мина низ тешка драма во Австралија во претходниот месец, кога беше депортиран затоа што не примил вакцина.

Ѓоковиќ ќе настапи во Дубаи, а сега стигна потврда дека без вакцина ќе може да игра и на турнирот во Рим.

Министерката за спорт во италијанската влада, Валентина Везали, потврди дека Ѓоковиќ може да игра на терените во центарот „Форо Италико“.

„Зелените сертификати не се потребни за мечевите што се играат на отворено. Значи, доколку Ѓоковиќ сака да дојде и да игра во Италија, тој тоа може непречено да го направи. Зелениот сертификат важи за рестораните и хотелите“, изјави Везали и дополни дека е можно од 31 март Италија да ги укине вонредните мерки.