Стигна во Јувентус како големо засилување, но испадна големо промашување!

Јувентус ова лето ангажираше неколку нови фудбалери, а како најголемо засилување секако беше крилниот напаѓач на Баерн Минхен, Даглас Коста.

Бразилецот пристигна на едногодишна позајмица со задолжителен откуп на крајот на сезоната, а целиот трансфер ја чинеше „старата дама“ 46 милиони евра.

Меѓутоа, Даглас Коста не ги оправда вложените средства бидејќи никој во Торино не е задоволен од неговиот придонес на стартот на сезоната.

Бразилецот не покажа буквално ништо. После осум запишани настапи и 391 минути поминати на теренот, Коста не се запиша во листата на стрелците,а не запиша ниту една асистенција.

Италијанските медиуми пренесуваат дека Алегри не е задоволен, тој сака од својот крилен фудбалер да има конкретен придонес во офанзивните задачи, но и да работи во дефанзива.