Стефан Спировски повеќе не е играч на АЕК Ларнака

Репрезентативецот на Македонија Стефан Спировски остана без клуб откако се раздели со АЕК Ларнака.

Кипарскиот тим прави „ремонт“ и се ослободи од неколку фудбалери. Спировски за АЕК настапуваше една година. Договорот го потпиша во јуни 2020 година. Во тимот пристигна од Ференцварош.

Веста за раскинувањето на договорот АЕК ја објави на социјалните мрежи.

31-годишниот Битолчанец е редовен во репрезентацијата и зад себе има 40 настапи, ќе биде дел и од трите натпревари кои ни следат сега со Ерменија, Исланд и Романија.