Бајер од Леверкузен во првиот меч од 24-то коло од германската Бундес лига го дочека Вердер, а конечниот исход од дуелот беше 1:1.
Зошто проблемот со улични кучиња СÈ УШТЕ постои? | Уште еден поткаст
Домаќинот доминираше во сите деведесет минути од натпреврот, а до водечкиот погодок стигна на самото отворање на мечот. Во 7-та минута Бранд изведе одличен соло продор и шутираше од дваесетина метри, топката од пречката се одби до Воланд кој со глава ја смести во празната мрежа.
Во продолжението Бајер ја контролираше играта, не дозволувајќи им на гостите да се заканат посериозно сè до 79-та минута, кога после корнерот Бауер шутираше и го погоди искусниот Пизаро од кого топката се одби и заврши во голот на домаќините за конечни 1:1.
Со ова реми Бајер ја прекина серијата од три последователни порази во сите натпреварувања (Атлетико, Мајнц, Дортмунд), додека Вердер ја прекина серијата од три последователни победи (Мајнц, Волфсбург, Дармштад).