Се огласи разочараниот сопственик на ПСЖ: Еве кои се следните чекори?!

Работата на Унаи Емери виси во воздух и прашање на момент е кога овој шпански тренер ќе добие отказ од ПСЖ.

Парижаните вложија богатство за да направат тим за нешто повеќе во Лигата на шампионите, а сопрени се во четвртфиналето, бидејќи во двата меча, најпрво со 3:1, па со 2:1 славеше Реал Мадрид.

Така што, Емери го разочара раководството на ПСЖ, а тоа се почувствува и по изјавата на сопственикот Насер Ал-Келаифи.

„Под знак прашалник е и работата на тренерот… Но, не е ова место за критикување. Ќе разговараме со играчите. Денес не сакам да реагирам, но разочарани сме и вознемирени. Ќе се смириме, па потоа ќе размислуваме за следните потези“, истакна Ал- Келаифи.

Но, сите насоки водат кон тоа дека во следните 24 часа, Емери ќе стане бивши тренер на ПСЖ, бидејќи со Нејмар, Кавани, Мбапе… не е доволно само да се освои трофеј во домашното првенство.