Саул Нигез: Не сакам да го напуштам Атлетико, но…

Ѕвездата на Атлетико Мадрид, Саул Нигез е спремен да остане во клубот, но само под услов да доние подобар договор.

Нигез е ѕвезда на Европското првенство за млади и за него постои силен интерес од неколку европски гиганти, пред се Барселона и Манчестер Јунајтед.

„Среќен сум во Атлетико и таму се чувствувам ценет, но секој сака да заработува малку повеќе пари за да биде во можност да му помогне на семејството“, изјави Саул.

„Не сакам да заминам, ми беше тешко да ја добијам довербата на Симеоне и ќе ми биде тешко сега во нов клуб да почнам од нула. Не се гледам во друг клуб, за да заминам од Атлетико треба да се случи нешто изненадувачки“, додаде 22-годишниот Шпанец.