Селекторот на Аргентина, Хорхе Сампаоли ја коментираше ждрепката за СП, каде неговата Аргентина е во групата Д со Хрватска, Исланд и Нигерија. Некогашниот селектор на Чиле, верува дека групата е интересна, и ги пофали противниците.
Зошто проблемот со улични кучиња СÈ УШТЕ постои? | Уште еден поткаст
„Хрватска има одлични играчи, кои играат во најдобрите европски екипи. Голем тим е. Исланд има многу ентузијазам и секогаш се борат против кој и да е. Секако, тука е и Нигерија, која има млад состав и е непредвидлива. Нејзините играчи се брзи, физички подготвени и ќе бидат интересен конкурент“, истакна Сампаоли.
Тој одвај успеа со Аргентина да се пласира на Мундијалот, но верува во својот тим и не бега од големите очекувања.
„Нашата екипа е конкурентна и има најдобар состав на светот. Имаме време да ги поправиме работите и да го покажеме најдоброто во Русија. Аргентина е светска селекција и од неа се очекува многу. Во екипата имам фантастични играчи кои можат да испишат историја“, заклучи Сампаоли.
Учество во игри на среќа е дозволено за лица со 18+ години. Играј одговорно!