Само еден тим оваа сезона ги победи финалистите во Лига Европа и Лигата на шампионите

После Лигата на шампионите каде што во финалето ќе играат Тотенхем и Ливерпул, вчера се дознаа и финалистите во Лигата на Европа каде што силите ќе ги одмерат Арсенал и Челзи.

Ливерпул направи голема сензација против Барселона и се врати после поразот од 3:0 во првиот натпреварот. Тотенхем од друга страна после поразот во првиот натпревар од 1:0 откако губеше на полувреме во Амстердам 2:0 во второто полувреме успеа да направи пресврт.

Арсенал вчера ја победи Валенсија со 4:2 се избори за финале во Лигата на Европа, а противник ќе му биде Челзи кој на пенали го победи Ајнтрахт Франкфурт.

Сепак, четирите овосезонски финалисти имаат нешто заедничко, а тоа е пораз од еден тим кој игра во Премиер лигата.

Имено, екипата на Вулверхемптон оваа сезона успеа да ги победи сите четири финалисти во Европа.

Ова е навистина неверојатен податок со оглед на тоа дека се работи за екипа која не е во топ 6, но треба да се земе предвид дека Вулверхемптон сезонава игра одлично.

Токму против нив ќе игра Ливерпул во последното коло од англиската Премиер лига.