Само во Англија: За натпревар за женски фудбал „Вембли“ се распродаде три месеци претходно!

Женскиот фудбал на Островот има популарност како ретко каде во светот, па доказ за тоа е последната информација.

Имено, уште сега стадионот „Вембли“ е распродаден за натпреварот помеѓу Англија и Бразил кој се игра на 6-ти април. Станува збор за натпреварот „финалисима“ кој е дуел помеѓу шампионот на Европа и Јужна Америка.

Иако до натпреварот има уште три месеци, сепак експресно се распродадоа 90.000 билети кои беа пуштени во продажба.

Минатата година во октомври Англија ја победи Германија во финалето на Европското првенство и тој натпревар го гледаа 90.000 гледачи што е рекорд во женскиот фудбал.