Рамноправни бевме само една четвртина: Висок пораз на Македонија против Русија

Македонија денес за разлика од вчера против Италија денес одигра лош меч против Русија и избраниците на Александар Тодоров забележаа висок пораз (77:94)

Првата четвртина беше изедначена на моменти и ние имавме предност, клучна за високата победа на Русите беше втората четвртина која ја добија со убедливи 25:12.

Во преостанатите две четвртини ние не успевавме да ја надополниме таа разлика, па Русија без поголеми проблеми ја одржуваше предноста.

Најефикасни во нашите редови беа Војдан Стојановски со 18 и Вајли со 16, кај Русија Болбој постигна 17.

Следниот натпревар Македонија го игра во недела кога повторно ќе играме против Италија.

Треба да споменеме дека Русија со овој триумф се пласираше на Европското првенство, додека нас патот до европска виза сега ни е многу потежок/.