Рабио уште еднаш му кажа НЕ на Тотенхем!

Плејмејкерот на ПСЖ, Адриен Рабио ја одби и најновата понуда на Тотенхем, пренесуваат француските медиуми.

Менаџерот на „спарси“, Покетино силно го посакува Рабио во својот тим и му ветил голема минутажа, но фудбалерот има други идеи за продолжување на кариерата.

Тотенхем беше спремен да му понуди неделна плата од 75.000 фунти на 23-годишниот играч за врска, но Рабио ја одбил понудата.

Неговиот договор со ПСЖ истекува на крајот на сезоната, а бидејќи одби да стави потпис на нов договор „светците“ го отстранија од тимот.

Французинот на лето ќе го напушти Париз како слободен агент, а фаворит за неговиот потпис е Барселона.

За потписот на Рабио интерес покажуваат уште Баерн Минхен, Ливерпул, Челзи и Јувентус.

https://youtu.be/5CeyBmDnRTc