ПСЖ може да понуди 115 милиони евра за „пакет“ од Лацио, во игра е Инзаги!

Според последните информации кои пристигнуваат од Франција, ПСЖ сака да го „опустоши“ Лацио.

Поразот во првиот натпревар од осминафиналето во Лигата на шампионите би можел да означи почеток на една револуција во Париз. Дури и ако „светците“ поминат во следната фаза Тухел ќе биде под притисок, најмногу од страна на спортскиот директор Леонардо кој од почеток не е некој фан на неговата игра.

Реномираниот „Л’Eкип“ објави фотографија спортскиот директор на ПСЖ после неуспехот во Дортмунд на која е со телефон раката и веднаш направи алузија дека Леонардо контактирал во Рим. Наводно, тој бил импресиониран од резултатите на Лацио оваа сезона и фудбалот кој го форсира Симоне Изнаги.

Наводно спортскиот директор на ПСЖ сака во пакет од Рим да ги доведе Сергеј Милинковиќ Савиќ и Адам Марушиќ. Интересот за Савиќ од ПСЖ не е некоја новост. Меѓутоа сега Французите дознаваат дека и Марушиќ е мета. Тие додаваат дека луѓе од Париз предводени од Леонардо го гледале Марушиќ во дребито кое Лацио неодамна го играше против Јувентус. Во тој натпревар Марушиќ одигра одлично, а Лацио оствари победа.

Марушиќ има договор со Лацио до 2022 година и неговата вредност на пазарот се движи околу 15 милиони евра. Од друга страна проценката е дека Лацио за Савиќ ќе бара 100 милиони евра, плус бонуси.