Против Исланд полн стадион, се отвараат источната и западната трибина

Македонија во последното коло на домашен терен сама ќе решава за својата судбина и со победа против Исланд ние ќе бидеме тие кои ќе играме во баражот.

Откако вчера Романија не го победи Исланд, сега судбината за второто место во групата е во наши раце.

Во недела репрезентативците очекуваат голема поддршка, па Фудбалската федерација на Македонија ги отвора и источната и западната трибина од Националната арена „Тодор Проески”.

100 денари е цена на билет за источната и западната трибина.  Влезниците можат да се купат преку MkTickets.

Фото: ФФМ