„Принцот“ не може без фудбал, Тоти ќе игра уште сезона, но не во Рома?!

Прашањето е само каде?

Можеби поради тоа што Рома не му приреди последна сезона каква што заслужува, Франческо Тоти наводно одлучил да се проба уште еднаш. Иако во семптември ќе наполни 41 години „принцот“ на Рим сигурно дека може да одигра уште една сезона.

„Книгата сеуште не е завршена. Нешто недостасува. Ќе играм и следната сезона“, наводно Тоти им се доверил на пријателите на вечерата после последниот натпревар во дресот на Рома.

После ова логично се наметнува прашањето каде ќе игра? Мистерија, барем засега.

„Не знам каде, но ќе играм сигурно“, одговорил Тоти на споменатата вечера.

Медиумите шпекулираат дека Тоти ќе заигра за Мајами. Не му е до пари, сигурно ги има доволно. Еден од сопствениците на американскиот второлигаш е долгогодишниот соиграч и пријател на Тоти, Паоло Малдини, а тренер е Алесандро Неста.