Преминувањето на Лукаку во Челзи може да „повлече“ неколку трансфери

Ромелу Лукаку според она што се пишува во медиумите е се поблиску до Челзи.

Актуелниот шампион на Европа е спремен да му понуди на Интер 130 милиони евра за услугите на Белгиецот, а Лукаку сака да се врати во клубот каде што веќе играше од 2011 до 2014 година.

На Белгиецот му е понудена плата од 12 милиони евра со дополнителни бонуси во зависност од настапите кој би ги забележал во синиот дрес.

Интере е спремен да ја пушти својата ѕвезда на „Стенфорд Бриџ“ за споменатите 130 миллиони евра.

Трансферот на Лукаку може да „повлече“ уште неколку трансфер. Главен кандидат за негов наследник во Интер е Дуван Запата од Аталанта. Во Колумбиецот Интер гледа идеален наследник на Лукаку, а вредноста на трансферот би можела да изнесува околу 40 милиони евра.

Од друга страна Аталанта ќе се обиде да го доведе Абрахам од Челзи кој не добива премногу простор кај Тухел.