Потврдено: Забалета го избра Вест Хем!

Искусниот аргентински дефанзивец, Пабло Забалета го напушти Манчестер Сити, но кариерата ќе ја продолжи во Премиер лигата.

Како што пренесуваат англиските медиуми Забалета ќе се пресели во Лондон и ќе го засили тимот на Вест Хем.

Аргентинецот помина девет сезони на „Етихад“, освои бројни трофеи меѓу кои и две титули англиски шампион.

Неговиот договор со „граѓаните“ истекува во јуни, па како слободен играч ќе се пресели во Вест Хем.