Постигнат договор: Баер го победи Баерн за 18 годишниот „вундеркид“ – 25+10 милиони евра!

Трансферот ќе биде реализиран кога фудбалерот ќе наполни 18 години.

Од повеќе извори пристигнува иста вест – Бразилецот Паулињо е нов фудбалер на Баер Леверкузен и на овој клуб ќе му се приклучи во текот на летото, односно после 15 јули кога Паулињо ќе наполни 18 години.

Баерн Минхен исто така беше заинтересиран за услугите на овој фудбалер, но сепак ја изгуби трката со ривалот од Бундес лигата што е навистина реткост.

Секако, причината поради која Паулињо го избира Леверкузен е поголемиот простор за игра кој сигурно ќе го има повеќе отколку во Минхен.

Во медиумите се објавуваат и бројки од трансферот. Неговиот сегашен клуб Васко Де Гама ќе добие 25 милиони евра, а доколку Паулињо исполни одредени одредени услови бразилскиот клуб ќе инкасира дополнителни 10 милиони евра.

Паулињо е роден на 15 јули 2000 година, игра на позицијата напаѓач и ги помина сите младински категории на „кариоките“.