Поранешниот агент на Левандовски: Сака да покаже дека е подобар од Бензема

Роберт Левандовски инсистира да се пресели во Барселона, иако има уште една година од договорот со Баерн Минхен.

Барселона веќе има договор со Левандовски, но е во лоша финансиска ситуација и не може да се договори со Баварците.

Поранешниот агент на Полјакот, Чезари Кухарски за „Кадена Сер“ проговори за плановите на играчот.

„Тој сака да покаже дека е подобар од Бензема, па ова е уште една причина да замине во Барселона. Левандовски нема емоции, за него фудбалот е работа и тој е исклучителен професионалец. Реал Мадрид и Барселона се на исто ниво“, изјави полскиот менаџер.

„И Барса и Левандовски ќе се борат за овој трансфер. Мислам дека тоа е сосема можно, го гледам тоа. Тој мора да го притисне Баерн да го пушти побрзо. Шефовите на Баерн знаат дека сака да оди во Шпанија. Неговиот план беше Германија, потоа Шпанија и кариерата да ја заврши во САД“, откри Кухарски.