Полуфиналето на СП ни носи два спектакли: Кој има предност?

Светското првенство на кое ние ја освоивме 15-тата позиција дојде до самата завршница, а после денешните полуфинални двојки ќе бидат познати и финалистите.

Полуфинале изборија репрезентациите на Данска, Франција, Германија и Норвешка, па така можеме да кажеме дека спактаклот во двете средби е загарантиран.

Првиот натпревар е од 17:30 часот и во тој ќе се сретнат Данците и Французите, за многумина ова е натпревар финале пред финале. Данска е единствената репрезентација која до оваа фаза од натпреварите стигна без изгубен бод, но тоа не мора ништо да значи бидејќи Франција може да победи било кого.

Во второто полуфинале ќе се сретнат репрезентациите на Германија и Норвешка. Германците полуфиналето го обезбедија едно коло пред крајот после победата над Хрватска, додека Норвежаните стравуваа до последното коло.