Покетино спремен да седне на кормилото на Челзи

Поранешниот менаџер на Тотенхем, Маурисио Покетино е подготвен да седне на кормилото на Челзи, доколку сопствениците на „сините“ решат да се разделат со Грем Потер.

Аргентинецот е без работа од јули, кога беше ослободен од Пари Сен Жермен, а лошите резултати на Челзи под водство на Потер го ставија тренерот под голем притисок.

Во моментов, сопственикот Тод Боели нема намера да го отпушти поранешниот менаџер на Брајтон, но доколку лошите резултати продолжат, голема е веројатноста Потер порано или подоцна да го напушти „Стемфорд Бриџ“.

Според медиумите на Островот, Покетино е подготвен веднаш да ја прифати работата доколку Тод Боели го побара, а неговото минато во Тотенхем нема да биде пречка. Тој живее во Лондон и сака да работи во Премиер лигата.