Познато уште колку ќе паузира Агуеро

Напаѓачот на Манчестер Сити, Серхио Агуеро го победил коронавирусот, но ќе се врати на теренот после неколку недели, бидејќи ја загубил формата.

Агуеро, кој е најдобар стрелец во историјата на Сити, не започнал натпревар уште од октомври поради серија на повреди. Гвардиола потврди дека на Аргентинецот ќе му бидат потребни неколку недели за да ја врати формата.

„Агуеро го победи вирусот, но ќе му бидат потребни неколку недели за да се врати во форма. Серхио се уште не тренира со тимот. Од вчера почна да работи на кондиција и ќе му бидат потребни неколку недели за да можеме да сметаме на него“, изјави Гвардиола.