Пикси изостави познати имиња: Многу промени во составот на Србија за Лигата на Нации

Репрезентацијата на Србија во септември ќе дебитира во Лига А од Лигата на Нации, а избраниците на селекторот Пикси ќе играат во група со Шпанија, Данска и Швајцарија.

Пикси го објави и списокот за овие натпревари, а тој донесе неколку изненадувања и има многу промени во однос на составот со кој Србија настапи на Европското првенство.

Од позвучните имиња на списокот немаше место за: Вања Милинковиќ-Савиќ, Филип Костиќ, Немања Гудељ…исто така го нема и Душан Тадиќ, но познато е дека тој заврши репрезентативната кариера.

Србија на 5. септември ќе игра дома против Шпанија, додека три дена подоцна ќе гостува на Данска.