Перез ја сака големата ѕвезда – Роналдо го стопира трансферот!

Младиот италијански голман, Џанлуиџи Донарума со своите одлични партии во дресот на Милан го привлече вниманието на најголемите европски клубови.

Шпанските медиуми пренесуваат дека Реал Мадрид е силно заинтересиран за 18-годишниот голман и сака да го донесе на „Сантиаго Бернабеу“ ова лето.

„Кралевите“ се во потрага по замена за Кејлор Навас и Донарума е првата желба на Флорентино Перез бидејќи смета дека Италијанецот може да биде долгорочно решение за клубот.

Сепак, трансферот би можел да го блокира Кристиано Роналдо лично, пренесува „Мундо Депортиво“, а причинната е Мино Раиола, кој е менаџер на Донарума.

Имено, добро е познато дека менаџерот на Роналдо, Жорге Мендеш не е во добри односи со Раиола, а токму португалскиот агент игра голема улога во соблекувалната на Реал Мадрид.

Поради тоа, Мендеш се обидува преку Роналдо да го блокира Раиола да „влезе“ со свој играч во Реал Мадрид, пренесуваат шпанските медиуми.