Перез ги разочара навивачите: Мбапе? Ќе мора да почека…

Сопственикот на Реал Мадрид, Флорентино Перез после вчерашната победа на Реал Мадрид против Виљареал, триумф со кој „кралевите“ и официјално станаа шампиони помеѓу другото зборуваше и за можните трансфери ова лето.

Навобичаено за Перез тој најави дека Реал нема да прави скапи трансфери ова лето, а тоа воедно значи и дека Мбапе кој долго време се поврзува со трансфер во Мадрид летово нема да пристигне.

„Заборавете на огромни трансфери летово. Не може во исто време да бараме намалување на платите од нашите играчи и во исто време да се расфрламе со милиони. Ова лето скапи засилувања нема да има. Мбапе? Ќе мора да почека. Реал кога-тогаш секако ќе се врати на трансфер пазарот, тоа ќе се случи кога пандемијата ќе дозволи“, изјави Перез.