Пеналите одлучија, Севиља повторно ја освои Лига Европа

Севиља после изведување на пенали беше подобра од Рома и го освои трофејот во Лига Европа.

Првата чиста шанса ја имаше Спинацола уште во 10-та минута, но биеше млако во голманот на Севиља.

Веќе во 33-та минута Дибала покажа дека е играч за големи натпревари и постигна гол за водство по одличната асистенција на Манчини, резултат со кој се замина на одмор.

Севиља фуриозно го отвори второто полувреме и брзо дојде до израмнување. Навас центрираше, а Манчини неспретно реагираше и ја затресе сопствената мрежа за 1:1.

После 70-та минута двата тима почнаа да играат претпазливо и видовме неколку спорадични шанси на двете страни. Најзрелата шанса ја имаше Рома во продолженијата, Смолинг ја погоди пречката во 120-та минута.

Во изведувањето на пенали фудбалерите на Севиља беа прецизни, додека Манчини и Ибањез не успеаа да погодат кај Рома.