Официјално: Олимписките игри без публика!

Долго се шпекулираше, сега е официјално – Олимписките игри во Јапонија ќе се играат пред празни трибини.

Причина за ваквата одлука е се поголемиот број заразени со коронавирусот, а веста ја потврди градоначалничката на Токио, Јурико Коике.

Првичната одлука беше да не присуствуваат навивачи и публика од странски земји, а сега забраната важи и за домашните љубители на спортот.

Олимписките игри започнуваат на 23 јули и завршуваат на 8 август, а Владата на Јапонија прогласи вонредна состојба поради зголемениот број на случаи од коронавирус.