Официјално: Карабатиќ во ПСЖ до 2023 година

Еден од најдобрите светски ракометари Никола Карабатиќ го продолжи договорот со ПСЖ до јуни 2023 година. 

Карабатиќ ќе се обиде во овој период конечно да му ја донесе европската титула на ПСЖ, со кого веќе освои шест титули во француското првенство.

„Пресреќен сум што ќе ја продолжам авантурата во црвено-синиот дрес на уште една сезона. И јас и клубот имавме желба да продолжиме заедно. Ќе се обидам да му помогнам на клубот да расте и да освоиме што е можно повеќе титули“, изјави Карабатиќ, трикратен освојувач на наградата на ракометар на годината.