Официјално: Богатите клубови во Германија ќе ги спасуваат помалите во финансиската криза!

Четири клубови од Бундес лигата одлучија финансиски да им помогнат на помалите клубови кои се најпогодени од кризата поради коронавирус.

Баерн, Борусија Дортмунд, Лајпциг и Леверкузен заедно ќе соберат 20 милиони евра кои ќе бидат поделени на оние кои најмногу имаат потреба од тоа.

Тие се откажаа од своите пари од ТВ-правата и додадоа уште неколку милиони, а сојузот ќе ги испрати тие пари во клубовите за полесно функционирање.

Ваквиот потег наиде на воодушевување кај јавноста бидејќи во време на криза големите клубови ги помагаат своите ривали.

„Доколку повторно започне фудбалот, дури и мечевите без присуство на публика гарантираат дека од ТВ-правата ќе направи клубовите да бидат сигурни за нивната егзистенција. Засега е тешко да се прогнозира за тоа кога би продолжило првенството“, изјави Хенес.

#FCBayern, together with the other three German Champions League clubs @BlackYellow, @RBLeipzig_EN and @bayer04_en, will make available €20 million to support the #Bundesliga and Bundesliga 2. pic.twitter.com/dcVjzvTpVM

— FC Bayern English (@FCBayernEN) March 26, 2020